Mae ein Gwiriad Iechyd Cydraddoldeb wedi’i deilwra ar gyfer y sector tai. Mae’n canolbwyntio ar y meysydd craidd canlynol:
Hyrwyddo diwylliant sefydliadol cynhwysol
Cael gwared ar rwystrau, cynyddu mynediad a diwallu anghenion amrywiol
Herio, Dadansoddi a Gwella gwasanaethau a pherfformiad ar gydraddoldeb
Yn ystod y broses, gofynnir i chi ddarparu dogfennau a byddwn yn nodi a oes angen adolygu’r ddogfen. Fel rhan o’r broses, byddwn hefyd yn tynnu sylw at feysydd arfer da.
Mae dau wiriad iechyd i ddewis ohonynt, sylfaenol neu fanwl, yn dibynnu ar anghenion eich sefydliad (mae manylion y ddau isod).
Manteision Cwblhau'r Gwiriad Iechyd Cydraddoldeb
Bydd y Gwiriad Iechyd yn rhoi argymhellion ymarferol i chi ar gyfer gweithredu a all eich helpu i symud ymlaen ar ddarparu arferion darparu gwasanaethau a chyflogaeth teg.
Gwiriad Iechyd Cydraddoldeb Sylfaenol (am ddim i aelodau ac yn defnyddio 2 gredyd)
Mae’r Gwiriad Iechyd Sylfaenol yn asesiad bwrdd gwaith neu wyneb yn wyneb ac adroddiad byr i’ch helpu i nodi meysydd ar gyfer gweithredu yn y dyfodol.
Bydd y gwiriad iechyd sylfaenol yn cynnwys hyd at un diwrnod o amser Tai Pawb. Yn ystod y broses, gofynnir i chi ddarparu dogfennau a byddwn yn nodi a oes angen adolygu’r ddogfen. Fel rhan o’r broses, byddwn hefyd yn tynnu sylw at feysydd arfer da a nodwyd.
Rydym yn argymell nad yw’r gwiriad iechyd yn cael ei gwblhau gan un aelod o staff yn unig, ond yn hytrach rhoddir cwestiynau unigol i aelodau staff ac adrannau priodol i’w hateb. Mae’r dull hwn yn lleihau’r ymrwymiad amser sy’n ofynnol gan unrhyw un aelod o staff ac yn ein galluogi i sicrhau atebion cywir sy’n adlewyrchu realiti’r busnes.
Gwiriad Iechyd Cydraddoldeb Manwl (ymgynghoriaeth sy'n para rhwng 5 a 10 diwrnod)
Mae’r gwiriad iechyd manwl yn asesiad dwfn o’ch sefydliad, mae’n cynnwys popeth o’r gwiriad iechyd sylfaenol uchod ynghyd â dewis o’r opsiynau canlynol:
- Arolwg staff a bwrdd
- Arolwg tenantiaid
- Grŵp ffocws gyda staff
- Grŵp ffocws gyda thenantiaid
- Cyfarfod un-i-un gyda Chadeirydd y Bwrdd
- Cyfarfod un-i-un â’r Prif Weithredwr
- Cyfarfodydd un-i-un gyda’r tîm gweithredol
- Adroddiad argymhellion
- Mynychu cyfarfod uwch reolwyr i drafod yr argymhellion
Gallwn drafod eich gofynion a chwmpas y dull mwyaf priodol ar gyfer eich sefydliad.
Yn dilyn yr asesiad dwfn hwn, byddwn yn cynhyrchu adroddiad i chi sy’n cynnwys crynodeb o’n canfyddiadau, ac yn rhoi cynllun gweithredu i chi ar gyfer yr argymhellion.
Adolygu'r Gwiriad Iechyd (am ddim i aelodau ac yn defnyddio 1 credyd)
Yn y blynyddoedd ar ôl eich gwiriad iechyd cyntaf, bydd gennych yr opsiwn i adolygu:
Eich cynnydd tuag at fynd i’r afael ag argymhellion y flwyddyn flaenorol ac awgrymiadau pellach ar draws pob maes busnes a phynciau cydraddoldeb
Cynnydd o fewn maes busnes penodol a/neu bwnc cydraddoldeb
